Розги
Розга убо ниже мало здравия вредит.
Розга разум во главу детем вгоняет,
Учит молитве и злых всех встягает.
Розга родителем послушны дети творит,
Розга Божественнаго Писания учит.
Розга аще и биет, но не ломит кости,
А детище оставляет от всякия злости.
Розгою аще отец и мати часто биют детище свое,
Избавляют душу его от всякаго греха.
Розга учит делати вся присно ради хлеба,
Розга дети ведет правым путем до неба.
Розга убо всяким добротам поучает,
Розга и злых детей в преблагия претворяет.
Розгою отец и мати еже детище не биют,
Удаву на выю его скоро увиют.
Вразуми, Боже, матери и учители,
Розгою малых детей быти ранители.
Благослови, Боже, оные леса,
Иже розги добрые родят на долгия времена.
Малым детем розга черемховая двоюлетняя,
Сверстным же березовая к воумлению,
Черемховая же к страхованию учения.
Старым же дубовый жезл к подкреплению.
Млад бо без розги не может ся воумити,
Старый же без жезла не может ходити.
Аще ли же без розги из млада возрастится,
Старости не достиг, удобь скончится.
Свидетельство о публикации №226112101735