Молитва о мире.
Господи, Иисусе Христе, Сыне Божий, Ты бо рекл еси пречистыми усты Твоими: "Аминь глаголю вам, яко аще два от вас совещается на земли о всякой вещи, ея же аще просита, будет има от Отца Моего, иже на небесех: идеже бо еста два или трие собрани во имя мое, ту есмь посреде их". Непреложны словеса Твоя, Господи, милосердие Твое бесприкладно и человеколюбию Твоему несть конца. Сего ради молим Тя, даруй нам, рабам Твоим...согласившимся просить Тя о еже вси распри, раздоры, разделения, вражду и злобу всеконечно в Украине истребити, тишину же народу нашему даровати и миром вожделенным нас оградити, исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь. Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем. Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков. Аминь.
© Copyright: Натали Бизанс, 2015.
Другие статьи в литературном дневнике:
|
