Энтда бир къач келди

/стихи на Карачаево-Балкарском, Тюркском языке/

Тар ёмюрюбюз ёте,

Джюрекге суукъ джете,

Муратла къайтмаз кете,

Энтда бир къач келди.



Аяусуз джангур къуя,

Адамны таргъа тыя,

Кюнге булутну джая,

Энтда бир къач келди.



Джазым ашыгъыш ёте,

Джайым абыныр эте,

Кёлден ышаныу кете,

Энтда бир къач келди.



Тардан тар бола джашау,

Къытлыкъ дер кибик - ашау,

Даулет халкъына къаджау...

Энтда бир къач келди.



Табигъат сёнгнгю бола,

Башла сагъышдан тола,

Санла джашаудан тала,

Энтда бир къач келди.



Даулет адамын басыб,

Закон бойyндан асыб,

Халкъны джюреги джарсыб,

Энтда бир къач келди.



Ата джурт бата - бата,

Джюрек къатыудан къата,

Башчыла халкъны "сата",

Энтда бир къач келди.



Джелле хатерсиз ура,

Къышны аягъын бура,

Къартлыкъ джуукъда тура,

Энтда бир къач келди.



Тар ёмюрюбюз ёте,

Бизни тёлюбюз кете,

Ашхы муратла бите,

Энтда бир къач келди.


Sofi Tram-Semen