/на Карачаевском (Тюркском) языке/
Аллах ючюн, тайдырмагъыз, чыракъ тутхан адамланы,
Омакъ сёзню айтмагъанлай, керти сёзню айтханланы,
Аякълары джара болуб, ташлы джолда баргъанланы,
Башхала да барыр кибик, джангы сокъмакъ салгъанланы!
Аллах ючюн, сакъ болугъуз, джан джарыгъын сёнгдюрмегиз,
Джан ачытыр бир тик сёзню тёгерекден эштдирмегиз,
Ёмюр деген-ташлы джолду, чыракъ болмай джыгъылырбыз,
Къарангыда барыр болсакъ, тайыб джардан къуюлурбуз.
Аллах ючюн, сакъ болайыкъ джарытыучу адамлагъа,
Джашауларын халкъгъа атаб, халкъны набзын тутханлагъа,
Тинни, динни, тёрелени тёлюлеге элтгенлеге,
«Кесим»-демей, «халкъым» деген уллулукъгъа джетгенлеге.
2016.
Чыракъ тутханлагъа тиймегиз
© Copyright: Софи Трам-Семен, 2018
Свидетельство о публикации №218090300890
Свидетельство о публикации №218090300890
Рецензии