Тансыкъ болуб къайтыб келдим,
Эресейге, джуртума,
Кёргениме акъыл бёлдюм,
Тыкъсыу кире хатхума.
"Илячинбиз" - дегендиле,
"Кёкню" алгъан "шорбатла",
Ич къаугъаны кергендиле,
Къаничер керахатла.
Къаладагъы башчылалла,
Урлагъандан тоймазла,
Миллетлени абджыталла,
Къарааякъ "гиназла".
Эресейли арсар бола,
Факъырлыкъда сюрюне,
Къуллукъчула,мыйыкъ бура,
Халкъны ашаб,сюйюне.
Кёргеними кёрмез болуб,
Эски къралны эскердим,
Демократиядан тоюб,
Советлени кюседим.
"Къандагъайла" къошбаш болуб,
Джарлы халкъны эмелле,
Закон салыб, кенгеш къуруб,
Эресейни бёлелле.
1999.Новороссийск. РФ.
Къараннгы
© Copyright: Софи Трам-Семен, 2019
Свидетельство о публикации №219073100957
Свидетельство о публикации №219073100957
Рецензии