***Молитвы в Великий Понедельник Добрый день, дорогие посетители православного островка “Семья и Вера”! Чтобы прочувствовать весь духовный настрой Страстной седмицы, нужно особенно крепко молиться в эти святые и Великие дни. В сегодняшний Великий Понедельник мы предлагаем стихиры, поемые и читаемые в храмах в этот святой день. Конец - Спаситель Помилуй мя Боже, помилуй мя. Бепроходимое волнящееся море, Божиим Своим велением изсушившему, и пешешествовати сквозе е израильтеския люди наставльшему, Господеви поим, славно бо прославися. Перевод с церковно-славянского языка на русский язык Помилуй мя Боже, помилуй мя. Устрашися отроков благочестивых, сообразнаго души несквернаго тела, и устранися воспитанный в безмерном веществе, неутружден огнь: присноживущу же изувядшу пламеню, вечнующая песнь воспевашеся: Господа вся дела пойте, и превозносите во вся веки. Помилуй мя Боже, помилуй мя. Возвеличил еси, Христе, Рождшую Тя Богородицу, от Нея же Создателю наш, в подобострастное нам облеклся еси тело, наших прегрешений решительное: сию ублажающе вси роди, Тебе величаем. Помилуй мя Боже, помилуй мя. Иаков рыдаше Иосифова лишения, и доблий седяше на колеснице, яко царь почитаемь: египтяныни бо тогда сластем не поработав, воспрославляшеся от Ведущаго человеческая сердца, и посылающаго венец нетленный. Помилуй мя Боже, помилуй мя. Грядый Господь к вольной страсти, апостолом глаголаше на пути: се восходим во Иерусалим, и предастся Сын человеческий, якожe ecть писанo о Нем. Приидите убo и мы, очищенными смыслы сшествуим Ему, и сраспнемся, и умертвимся Eгo ради житейским cластем, да и оживем с Ним, и услышим вопиюща Его: “не ктому в земный Иерусалим за еже страдати, но восхожду ко Отцу Моему и Отцу вашему, и Богу Моему и Богу вашему, и совозвышу вас в горний Иерусалим, в Царство Небесное. Помилуй мя Боже, помилуй мя. Изсохшия смоковницы за неплодие, прещения убоявшеся, братие, плоды достойны покаяния принесем Христу, подающему велию милость. Слава Отцу и Сыну и Святому Духу, и ныне и присно и вовеки веков, аминь. Слава, и ныне: Вторую Еву египтяныню обреет змий глаголы, тщашеся ласканьми запяти Иосифа; нo той, оставив ризу, бежа греха, и наг не стыдяшеся, якоже первозданный прежде преслушания. Того молитвами, Христе, помилуй нас.
|
