Молитвы в Великую СубботуМолитвы в Великую Субботу Сегодня мы должны провести день в тихом ожидании Светлого праздника Пасхи Христовой!.. И даже тогда, когда мы с Вами идем освящать куличи, наше сердце должно быть настроено на волну сопереживания Христу. Ниже мы разместили для Вашего прочтения молитвы, которые читаются в храмах в сегодняшнюю Великую Субботу. Конец - свечи ТРОПАРИ Слава Тебе Боже наш, слава Тебе. Благообразный Иосиф, с древа снем пречистое Тело Твое, плащаницею чистою обвив, и вонями во гробе нове покрыв положи. Перевод с церковно-славянского языка на русский язык Слава Отцу и Сыну и Святому Духу. Егда снизшел еси к смерти, Животе Безсмертный, тогда ад умертвил еси блистанием Божества. Егда же и умершия от преисподних воскресил еси, вся силы небесныя взываху: Жизнодавче Христе Боже наш, слава Тебе. И ныне и присно и вовеки веков. Аминь. Мироносицам женам, при гробе представ, ангел вопияше: мира мертвым суть прилична, Христос же истления явися чуждь. ИРМОСЫ КАНОНА Волною морскою скрывшаго древле, гонителя мучителя, под землею скрыша спасенных отроцы; но мы яко отроковицы, Господеви поим, славно бо прославися. Слава Тебе Боже наш, слава Тебе. Тебе на водах повесившаго всю землю неодержимо, тварь видевши на лобнем висима, ужасом многим содрогашеся, несть Свят, разве Тебе, Господи, взывающи. Слава Тебе Боже наш, слава Тебе. На кресте Твое Божественное истощание провидя Аввакум ужасся, вопияше: Ты сильных пресекл еси державу, Блаже, приобщаяся сущим во аде, яко Всесилен. Слава Тебе Боже наш, слава Тебе. Богоявления Твоего, Христе, к нам милостивно бывшаго, Исаиа свет видев невечерний, из нощи утреневав, взываше: воскреснут мертвии, и востанут сущии во гробех, и вси земнороднии возрадуются. Слава Тебе Боже наш, слава Тебе. Ят бысть, но не удержан в персех китовых Иона: Твой бо образ нося, Страдавшаго и погребению давшагося, яко от чертога от зверя изыде, приглашаше же кустодии, хранящии суетная и ложная, милость сию оставили есте. Слава Тебе Боже наш, слава Тебе. Неизреченное чудо, в пещи избавивый преподобныя отроки из пламене, во гробе мертв, бездыханен полагается, во спасение нас поющих: Избавителю Боже, благословен еси. Слава Тебе Боже наш, слава Тебе. Ужаснися, бояйся, небо и да подвижатся основания земли: се бо, в мертвецех вменяется в вышних Живый, и во гроб мал странноприемлется. Егоже отроцы благословите, священницы воспойте, людие превозносите во вся веки. Слава Тебе Боже наш, слава Тебе. Ee рыдай Мене, Мати, зрящи во гробе, Егоже во чреве без семене зачала еси Сына: востану бо и прославлюся и вознесу со славою непрестанно яко Бог, верою и любовию Тя величающия. СТИХИРЫ Днесь содержит гроб Содержащаго дланию тварь, покрывает камень Покрывшаго добродетелию небеса; спит Живот, и ад трепещет, и Адам от уз разрешается. Слава Твоему смотрению, имже совершив все упокоение вечное, даровал еси нам, Боже, всесвятое из мертвых Твое воскресение. Слава Тебе Боже наш, слава Тебе. Днесь ад стеня вопиет: уне мне бяше, аще бых от Марии Рождшагося не приял; пришед бо на мя, державу мою разруши, врата медная сокруши; души, яже содержах прежде, Бог сый, воскреси. Слава, Господи, кресту Твоему, и воскресению Твоему. Слава Тебе Боже наш, слава Тебе. Днесь ад стеня вопиет: разрушися моя власть, приях мертваго, яко единаго от умерших; Сего бо держати отнюд не могу, но погубляю с Ним, имиже царствовах;; аз имех мертвецы от века, но Сей всех воздвизает. Слава, Господи, кресту Твоему, и воскресению Твоему. Слава Тебе Боже наш, слава Тебе. Днесь ад стеня вопиет: пожерта моя бысть держава, Пастырь распятся, и Адама воскреси; имиже царствовах лишихся, и яже пожрох возмогий, всех изблевах. Истощи гробы Распныйся, изнемогает смертная держава. Слава, Господи, кресту Твоему, и воскресению Твоему. Вместо “Иже Херувимы…” поется песнопение: Да молчит всякая плоть человеча, и да стоит со страхом и трепетом, и ничтоже земное в себе да помышляет: Царь бо царствующих и Господь господствующих, приходит заклатися и датися в снедь верным. Предходят же Сему лицы Ангельстии со всяким началом и властию, многоочитии Херувими и шестокрилатии Серафими, лица закрывающе и вопиюще песнь: Аллилуиа, аллилуиа, аллилуиа. © Copyright: Галияра Мама Мира, 2016.
Другие статьи в литературном дневнике:
|
