***Молитвы в Великий Вторник Здравствуйте, дорогие посетители православного сайта “Семья и Вера”! Сегодня наступил Вторник. Единственный вторник в году, который называется - Великий. Ниже мы предлагаем Вам к домашнему молитвенному правилу те стихиры, которые читаются в храмах в Великий Вторник. Конец - Спаситель Помилуй мя Боже, помилуй мя. Час душе конца помысливши, и посечения смоковницы убоявшися, данный тебе талант трудолюбно делай, окаянная, бодрствующи и зовущи: да не пребудем вне чертога Христова. Перевод с церковно-славянского языка на русский язык Помилуй мя Боже, помилуй мя. Велению мучителеву преподобнии трие отроцы не повинувшеся, в пещь ввержени, Бога исповедаху поюще: благословите дела Господня Господа. Помилуй мя Боже, помилуй мя. Душевною леностию воздремався, не стяжах, Женише Христе, горяща светильника иже от добродетелей, и девам уподобихся буим, во время делания глумляся: утробы щедрот Твоих не затвори мне, Владыко, но оттряс мой омраченный сон, возстави, Милостиве, и с мудрыми введи девами в чертог Твой, идеже глас чистый празднующих, и вопиющих непрестанно: Господи, слава Тебе. Помилуй мя Боже, помилуй мя. Приидите, вернии, делаим усердно Владыце: подавает бо рабом богатство, и по равенству кийждо многоусугубим благодати талант: ов убо мудрость да приносит делы благими, ов же службу светлости да совершает, да приобщается же словом верный, тайны ненаученному, и да расточает богатство убогим другий. Сице бо заимованное многоусугубим, и яко стройтелие вернии благодати, Владычния радости сподобимся; тоя нас сподоби, Христе Боже, яко Человеколюбец. Помилуй мя Боже, помилуй мя. Се тебе талант Владыка вверяет, душе моя: страхом приими дар, заимствуй давшему ти, раздавай нищим, и стяжи друга Гбспода, да станеши одесную Его, егда приидет во славе, и услышиши блаженный глас: вниди, рабе, в радость Господа Твоего. Тоя достойна мя сотвори, Спасе, заблудившаго, великия ради Твоея милости. Пресвятая Богородице, спаси нас. Невместимаго Бога во чреве вместившая, и радость миру родившая, Тя поем, Богородице Дево. © Copyright: Галияра Мама Мира, 2016.
Другие статьи в литературном дневнике:
|
