Добры дзень! Дзякуй за ўвагу!
Працягваю вывучаць мову - з дапамогай сапраўдных беларусаў-носьбітаў і розных падручнікаў.
Натуральна, знайшоў зашмат памылак у тым апавяданні, якое я Вам калісьці дасылаў. Калі гэта не цяжка, не маглі б Вы змяніць тэкст на сваёй старонцы? Дарэчы, пераклаў на беларускую яшчэ адно свае апавяданне - праўда, яно не пра Беларусь, а пра маю Радзіму, пра Казахстан.
Наконт нататкаў - так, дзякуй. Мне самому падабаюцца мае вандроўкі - напрыклад, я ўсё ніяк не магу знайсці час, каб напісаць пра сваю леташнюю працу на Сахаліне. Думаю, што будзе цікава.
Але мне цяпер больш хочацца ўжо "сапраўднае" літаратуры. Пачаў нешта пісаць па маіх успамінах і ўражаннях. Калі будзе час, паглядзіце, калі ласка - я пакуль гэтаму ўсяму даў назву "Апавяданні пра Радзіму", але маю на ўвазе не толькі Казахстан, але і Расію, маленькія гарадкі і вялікія абласныя цэнтры, дзе жывуць людзі, якіх я добра ведаю. Гэта мае сваякі, сваякі маёй жонкі, суседзі і гэтак далей. Запрашаю. Па-беларуску я таксама пішу адное апавяданне - дзіцячыя ўспаміны са школьнага юнацтва, мусіць быць смешна. Па-расейску нават не пачынаў пра гэта пісаць, адразу ж беларускай! Але скончыць ніяк не магу.
Яшчэ раз дзякуй вялікі! Рады быў бачыць Вас у сябе ў гасцях!

З павагай,

Андрей Поздняков   12.08.2013 20:30   Заявить о нарушении