Паулюк Трус

Паўлюк Трус*
Апала сінь… цвіце па-над раўнінай...

Апала сінь… цвіце па-над раўнінай,
Вяргіні цвет асыпалі даўно,
І стынуць ў золаце асмуглыя рабіны,
Стаяць і журацца увечар пад акном.
І ў жоўтацвецені над ярам і далінай
Тане ў каўшах асенняе віно.
І спяць гаі… і сыплюцца лісты…
Звіняць акорды ў сэрцы маладым.

Паўлюк Трус* 1925

*Біяграфія Паўлюка Труса

Паэт нарадзіўся 6 траўня 1904 года ў вёсцы Нізок Уздзенскага раёна Менскай вобласці ў сялянскай сям'і. У 1923 г. скончыў Уздзенскую сямігодку, у 1927 г. - Менскі беларускі педагагічны тэхнікум. Працаваў у рэдакцыі гомельскай газеты «Палеская праўда» (1927-1928), вучыўся на літаратурна-лінгвістычным аддзяленні педагагічнага факультэта Беларускага дзяржаўнага ўніверсітэта (1928-1929). Быў сябрам літаратурнага аб'яднання «Маладняк».

З першымі творамі выступіў у друку ў 1923 г. У той час друкаваў свае вершы ў газетах “Беларуская вёска”, “Звязда”, “Савецкая Беларусь” і у часопісе “Маладняк”.
Пры жыцці паэта выйшлі з друку два зборнікі: “Вершы” (1925) і “Ветры буйныя”(1927). Пазней выйшлі зборнікі паэзіі Збор твораў (1934), «Творы» (1935), кнігі Выбраных твораў (1931, 1940, 1941, 1946, 1949, 1953, 1958, 1967, 1977, 1979), «Новай квадры настаў маладзік» (вершы і паэмы, 1984).
Для дзяцей выдадзена кніга паэзіі «Падаюць сняжынкі» (1983).

30 жніўня 1929 года ў поўным творчым росквіце Паўлюк Трус, захварэўшы на брушны тыф, памёр.

Наша пошта:
belkutok@mail.ru

Другие статьи в литературном дневнике:

• 26.04.2010. Паулюк Трус
• 25.04.2010. Слуцкiя ткачыхi
• 24.04.2010. Пахне чабор...
• 23.04.2010. Каля пасады леснiковай...
• 15.04.2010. Памiж пустак, балот беларускай зямлi...
• 13.04.2010. Радунiца
• 11.04.2010. Стары лес
• 10.04.2010. Памiж пяскоу Егiпецкай зямлi...
• 09.04.2010. Дыпламаваны баран, к. крапива
• 07.04.2010. Первый день.
• 06.04.2010. Беларускi Куток